ມີສາວນ້ອຍຄົນໜຶ່ງ ຊື່ດວງໃຈ ເປັນລູກຊາວນາຢູ່ຊົນນະບົດທີ່ບໍ່ຫ່າງໄກຈາກຕົວເມືອງປານໃດ ລາວມີຄວາມຫວັງ ແລະ ຝັນໄຟ່ຢາກໄດ້ລົດຂີ່, ມີໂທລະສັບຽ່ວຍງາມເໝືອນຄົນອື່ນ..ໃນໃຈຂອງລາວຍາມໃດກໍໄດ້ແຕ່ຫວັງວ່າມື້ໜຶ່ງລາວຕ້ອງເຮັດໃຫ້ໄດ້ດັ່ງທີ່ລາວຫວັງ. ປີສຸດທ້າຍຂອງການຮຽນຊັ້ນມັດທະຍົມປາຍ ດວງໃຈ ຈຳຕ້ອງອອກຈາກໂຮງຮຽນກາງສົກຮຽນເພາະການຮຽນຂອງລາວຕົກຕໍ່າຍ້ອນຂາດໂຮງຮຽນ, ຕິດຫລິ້ນຕິດທ່ຽວ ຕິດເພື່ອນຕ່າງເພດ ແລະ ເຫັນເງິນຄຳເປັນໃຫຍ່ກ່ວາການຮຽນ. ພໍ່ ແລະ ແມ່ຂອງດວງໃຈຕ່າງກໍຕົກຕະລຶງໃນການປະລະການຮຽນຂອງລູກ ແຕ່ດວງໃຈກໍຍັງຫວັງຢາກໄປຊອກຫາເງິນດ້ວຍຕົວຂອງລາວເອງເພື່ອໃຊ້ ແລະ ຊ່ວຍເຫລືອຄອບຄົວ.
ມີເຈົ້າຂອງຮ້ານອາຫານຫລາຍບ່ອນທີ່ຮູ້ວ່າດຽວນີ້ດວງໃຈອອກໂຮງຮຽນແລ້ວ ໄດ້ຕິດຕໍ່ໃຫ້ລາວໄປເຮັດວຽກນຳ ແຕ່ແມ່ຂອງນາງບໍ່ຍອມ ເພາະຄົນເຫລົ່ານັ້ນລາວບໍ່ຮູ້ຈັກມາກ່ອນ. ພໍ່ແມ່ຂອງດວງໃຈກໍອາຍຸແກ່ຫລາຍແລ້ວ ບໍ່ມີແຮງພໍທີ່ຈະເຮັດນາທັງສອງພັ່ນໃຫ້ແລ້ວຕາມລະດູການ ໃນຂະນະດຽວກັນນັ້ນ ດວງໃຈພັດບໍ່ຍອມທີ່ຈະລົງເຮັດນາຊ່ວຍ…ເມື່ອເປັນເຊັ່ນນີ້ພໍ່ແມ່ຂອງລາວຈຳຕ້ອງຍອມໃຫ້ດວງໃຈໄປເຮັດວຽກກັບນາງແກ້ວ ໃນຮ້ານອາ ຫານ ເພາະລາວຍອມຈ່າຍເງິນຄ່າແຮງງານໃຫ້ພໍ່ແມ່ດວງໃຈກ່ອນເພື່ອຈ້າງຄົນລົງນາ. ຮ້ານອາຫານແຫ່ງນີ້ລະທີ່ເປັນຸຈດເລີ່ມຕົ້ນຂອງດວງໃຈ ທີ່ຈະກ້າວໄປສູ່ຄວາມຫວັງທີ່ລາວປາຖນາເອົາໄວ້, ລາວໄດ້ຮູ້ຈັກກັບຄົນຈຳນວນຫລາຍທີ່ແຕກຕ່າງກັນທັງລະດັບການສຶກສາ ແລະ ຖານະ. ດວງໃຈສະໜິດສະໜົມກັບແຂກທີ່ເປັນຂາປະຈຳເກືອບທຸກຄົນ ຈົນຫລາຍຄົນອິດສາທີ່ລາວສາມາດຫາເງິນຊື້ໄດ້ທັງໂທະລະສັບມືຖືລາຄາ ເປັນລ້ານ ແລະ ມີລົດຈັກຄັນໃໝ່ນຳອີກ.
ຕໍ່ມາບໍ່ດົນປານໃດກໍມີບ່າວເຫີ່ມຄົນໜຶ່ງເປັນຄົນຕ່າງປະເທດທີ່ສາມາດສື່ສານພາສາເວົ້າເຂົ້າໃຈກັນໄດ້ດີ ມາພົວພັນກັບດວງໃຈ ເຂົາເປັນຄົນມີລະດັບການສຶກສາສູງຂັ້ນວິສາວະກອນ ເປັນຄົນຄຸມການກໍ່ສ້າງຢູູ່ບໍ່ໄກຈາກຮ້ານອາຫານທີ່ດວງໃຈເຮັດວຽກຢູ່. ທຸກເທື່ອທີ່ເຂົາມາໃຊ້ບໍລິການຢູ່ຮ້ານອາຫານດັ່ງກ່າວລາວມັກເວົ້າລົມກັບດວງໃຈ ໂດຍສະເພາະເວົ້າກ່ຽວກັບເລື່ອງລາວຕ່າງໆທີ່ມີຢູ່ໃນປະເທດຂອງຕົນສູ່ນາງຟັງ ແລະ ຕ້ອງການໃຫ້ດວງໃຈຢາກໄປທີ່ນັ້ນເພື່ອຈະໄດ້ເຮັດວຽກແລະ ຫາເງິນໄດ້ເປັນກອບເປັນກຳ ນຳມາຍົກຖານະຄອບຄົວຂອງຕົນເອງໃຫ້ພໍ່ແມ່ມີຄວາມສຸກໃນບັ້ນປາຍຂອງຊີວິດ.
ໃນຮ້ານອາຫານທີ່ດວງໃຈເຮັດຢູ່ນັ້ນລາວມີໝູ່ຄົນໜຶ່ງຊື່ນ້ຳທິບ ທີ່ຫາກໍຖືກສົ່ງກັບມາແຕ່ຕ່າງປະເທດຍ້ອນການໄປເຮັດວຽກຜິດກົດໝາຍ ລາວເວົ້າວ່າ:ການໄປເຮັດວຽກຢູ່ພຸ້ນ(ຕ່າງປະເທດ)ບໍ່ຄືຢູ່ບ້ານເຮົາ ເຂົາບັງຄັບໃຫ້ເຮັດວຽກເກີນການກຳນົດຂອງກົດໝາຍແຮງງານ ແລະ ບໍ່ໄດ້ຮັບຄ່າຕອບແທນທີ່ສົມເຫດສົມຜົນ. ນ້ຳທິບພະຍາ ຍາມອ້ອນວອນດວງໃຈບໍ່ໃຫ້ໄປ ແຕ່ກໍບໍ່ໄດ້ຮັບຜົນຈົນນ້ຳທິບເອງກໍຈົນປັນຍາທີ່ຈະຫ້າມ….
ຫລາຍຄົນສົນທະນາກັນກ່ຽວກັບການໄປເຮດວຽກຢູ່ຕ່າງປະເທດຂອງດວງໃຈ ວ່າລາວຄິດຜິດ ເພາະການທີ່ຈະໄປເຮັດວຽກຢູ່ຕ່າງປະເທດທີ່ມີຄ່າຈ້າງສູງຄືດວງໃຈຕ້ອງການນັ້ນ ມັນບໍ່ແມ່ນເລື່ອງງ່າຍໆ ໂດຍສະເພາະ ຄົນທີ່ມີຄວາມຮູ້ບໍ່ຈົບ ມ.ປາຍ ຄືດວງໃຈ..ຫລາຍຄົນຄິດພຽງວ່າ ດວງໃຈອາດຖືກຫລອກສາແລ້ວ….
( ຂອບໃຈເຈົ້າຂອງບົດ ສະດຸດຕາ ສາຍຮຸ່ງ )
ຂອບໃຈທີ່ທ່ານອ່ານຈົນຈົບ.
No comments:
Post a Comment