ຂໍອະນຸຍາດນຳເອົາຜົນການສຳຫລວດຂອງ Team Consulting Engineering and Management Co.,Ltd ກ່ຽວກັບເຄື່ອນໄຟຟ້ານ້ຳຂອງ ທີ່ ໄຊຍະບູລີ ເພື່ອການຮຽນຮູ້...
18.3.11
17.3.11
15.3.11
ເປັນຫຍັງເງິນເດືອນຈຶ່ງບໍ່ຂຶ້ນ ?
ຊາຍໜຸ່ມຄົນໜຶ່ງສົງໃສວ່າເປັນຫຍັງ ຕຳແນ່ງບໍ່ເລື່ອນ ເງິນເດືອນຈຶ່ງບໍ່ຂຶ້ນ ພາຍຫລັງທີ່ເຮັດວຽກ ຢູ່ສຳນັກງານ….ນີ້ມາແລ້ວສອງປີ….ເຊົ້າມື້ໜຶ່ງ ເຂົາຕັດສິນໃຈໄປພົບຫົວໜ້າພະແນກຈັດຕັ້ງພະນັກງານ ແລະ ໄດ້ເລົ່າປະສົບການເຮັດວຽກຂອງຕົນເອງໃຫ້ຟັງຈົນໝົດ ແລະ ໄດ້ຖາມຄືນວ່າ ຕົນເອງຕັ້ງໃຈເຮັດ ວຽກ ປານນີ້ແລ້ວ ເປັນຫຍັງຕຳແນ່ງງານບໍ່ໄດ້ເລື່ອນ ເງິນເດືອນຈຶ່ງບໍ່ຂຶ້ນ ?
ຫົວໜ້າພະແນກຈັດຕັ້ງພະນັກງານເວົ້າກັບລາວວ່າ ຈະໃຫ້ລາວສະເໜີຂຶ້ນເງິນເດືອນ-ເລື່ອນຊັ້ນ ໄດ້ແນວໃດ ໃນເມື່ອເຈົ້າບໍ່ໄດ້ເຮັດວຽກຈັກມື້ ? ຊາຍໜຸ່ມຄົນນັ້ນຕົກໃຈ ທັງສົງໃສທີ່ວ່າຕົນເອງບໍ່ໄດ້ເຮັດ ວຽກ ແຕ່ບໍ່ທັນເວົ້າຫຍັງ ຫົວໜ້າພະແນກຈັດຕັ້ງພະນັກງານກໍເລີຍປ່ອຍຄຳຖາມໃຫ້ຊາຍຄົນນັ້ນຕອບ
ຫົວໜ້າ: ລອງຕອບຂ້ອຍເບິ່ງວ່າໜຶ່ງປີມີຈັກມື້ ?
ຊາຍໜຸ່ມ: ໓໖໕ ຫລື ບາງປີກໍມີ ໓໖໖ ມື້
ຫົວໜ້າ: ມື້ນຶ່ງມີຈັກຊົ່ວໂມງ ?
ຊາຍໜຸ່ມ: ໒໔ ຊົ່ວໂມງ
ຫົວໜ້າ: ແຕ່ລະມື້ເຈົ້າເຮັດວຽກຈັກຊົ່ວໂມງ ?
ຊາຍໜຸ່ມ: ໘ ຊົ່ວໂມງ ຫລື ໜຶ່ງສ່ວນສາມຂອງມື້ນັ້ນໆ
ຫົວໜ້າ: ຊັ້ນເບາະ…..ບາດນີ້ລອງມາຄິດເບິ່ງ ເຈົ້າບອກວ່າແຕ່ລະມື້ເຈົ້າໃຊ້ເວລາເຮັດ ວຽກ ພຽງໜຶ່ງສ່ວນສາມ….ໜຶ່ງສ່ວນສາມຂອງປີມີຈັກມື້ ?
ຊາຍໜຸ່ມ: ເອີ…. ມີ໑໒໒ ມື້
ຫົວໜ້າ: ປົກກະຕິເຈົ້າເຮັດວຽກໃນວັນເສົາ ແລະ ອາທິດຫລືບໍ່ ?
ຊາຍໜຸ່ມ: ບໍ່ ?
ຫົວໜ້າ: ຊັ້ນປີໜຶ່ງມີຈັກອາທິດ ?
ຊາຍໜຸ່ມ: ມີ…໕໒ ອາທິດ
ຫົວໜ້າ: ໕໒ ອາທິດ ສະແດງວ່າ ວັນເສົາ ແລະ ອາທິດປີໜຶ່ງມີເຖິງ ໑໐໔ ມື້ ແມ່ນບໍ່ ?
ຊາຍໜຸ່ມ: ແມ່ນແລ້ວ
ຫົວໜ້າ: ຊັ້ນລອງບວກລົບນຳກັນເບິ່ງວ່າ ແຕ່ລະມື້ເຈົ້າເຮັດວຽກພຽງ ໘ ຊົ່ວໂມງ ຫລື ໜຶ່ງສ່ວນສາມ ຖ້າໄລ່ເປັນປີກໍມີພຽງ ໑໒໒ ມື້ ແຕ່ໃນປີໜຶ່ງມີວັນເສົາ ແລະ ອາທິດລວມກັນ ໑໐໔ ມື້. ຖ້າເອົາ ໑໒໒ ມື້-໑໐໔ ມື້ = ໑໘ ມື້ ແມ່ນບໍ່ ?
ຊາຍໜຸ່ມ: ແມ່ນ…
ຫົວໜ້າ: ຜ່ານມາໄດ້ພັກປະຈຳປີບໍ່ ?
ຊາຍໜຸ່ມ: ໄດ້ພັກແລ້ວຕາມລະບຽບ…
ຫົວໜ້າ: ຊັ້ນເວລາ ໑໘ ມື້ ລອງລົບ ໑໕ ມື້ພັກການ ແລ້ວຍັງເຫລືອຈັກມື້ ?
ຊາຍໜຸ່ມ: ຍັງເຫລືອ ໓ ມື້
ຫົວໜ້າ: ວັນປີໃໝ່ສາກົນ, ປີໃໝ່ລາວ, ວັນຊາດ, ວັນກຳມະກອນສາກົນ…ເຈົ້າໄດ້ພັກ ວຽກບໍ່ ?
ຊາຍໜຸ່ມ: ກໍໄດ້ພັກຢູ່…
ຫົວໜ້າ: ພຽງທີ່ໄລ່ມາເມື່ອກີ້ ກໍກິນເວລາໄປເຖິງ ໖ ມື້ແລ້ວ…ຖ້າໄລ່ວັນພັກຍ້ອນ ບໍ່ສະບາຍອື່ນໆ ເຂົ້າໄປແລ້ວ ປີໜຶ່ງເຈົ້າເຮັດວຽກຈັກມື້ ?
ຊາຍໜຸ່ມ: ????????
ຫົວໜ້າ: ຊັ້ນເຈົ້າຄົງຮູ້ຄຳຕອບແລ້ວແມ່ນບໍ່ວ່າເປັນຫຍັງຕຳແນ່ງຈຶ່ງບໍ່ເລື່ອນ ເງິນເດືອນຈຶ່ງບໍ່ຂຶ້ນ ?
ຊາຍໜຸ່ມ: ????????
14.3.11
ພອນນະພາ ໄປຢາມບ້ານປູ່
ໄປຢາມບ້ານປູ່
ຂຽນໂດຍ: ພອນນະພາ ໄຊອຸດົມ (ສະດຸດຕາ ສາຍຮຸ່ງ)
# ອີ່ປາ ພັດພາກບ້ານ ນານກ່ວາຊາວປີ ວ່າເດ…
ຈາກທົ່ງນາທີ່ເຄີຍໄຖ ຈາກໄຮ່ສວນທີ່ເຄີຍສ້າງ
ຈາກນ້ອງນາງລູກສາວຫລ້າ ຈາກພໍ່ຕາອີ່ລຸງໃຫຍ່
ຈາກພໍ່ປູ່ວາດບໍ່ໄດ້ ວ່າລາວເຖົ້າຊໍ່າໃດ ?
# ປີນີ້ ອີ່ພໍ່ພັກວຽກໄດ້ ເລີຍພານຸ່ນໄປຢາມ
ອີ່ແມ່ກັບນ້ອງຊາຍ ກໍ່ດີໃຈໄປນໍາພ້ອມ
ພັບເຄື່ອງຂອງຊົມໃຊ້ ທີ່ຈໍາເປັນຫລາຍຫລາກ
ທັງຂອງຝາກແລະເຄື່ອງຕ້ອນ ຫລາຍເປ້ສີ່ກະເປົາ ພຸ້ນນາ….
# ລົດບໍ່ໄປ ຕັ້ງໃຈແລ້ວ ຊິຂໍຂີ່ທາງເຮືອ ນີ້ກ່ອນ
ນັ່ງຊົມລົມຊົມທິວທັດ ຊ່າງງາມເຫລືອລົ້ນ
ເຫັນກ້ອນຫີນດິນຊາຍກ້ວາງ ແຄມຂອງທີ່ເຮືອຜ່ານ
ກ່ອນຊິໄປຮອດບ້ານ ກໍຈວນຈໍ້ຄໍ່າແລງ ທ່ານເອີຍ….
# ບໍ່ເຄີຍໄປ ແຕ່ໄດ້ພໍ້ ສັບພະສິ່ງບໍ່ເຄີຍເຫັນ
ຍ້ອນວ່າຢູ່ວຽງຈັນ ແນວງາມໆ...ກໍບໍ່ມີຄືນີ້
ອາກາດດີ ນ້ໍາໃສ ພົງໄພກ້ວາງ ກວາງຟານຊິເຫລືອຢູ່ ບໍ່ນໍ
ອີ່ພໍ່ວ່າ ບາງທີມີແຕ່ໄມ້ ກວາງຟານເຕັ້ນຕື່ນໜີ
# ເພາະວ່າດົງດ່ານນີ້ ພານຫລາກເຫລືອຫລາຍ
ລັກຄ່ວາຍິງຍັງສັດ ລ່າເປັນສິນຄ້າ
ເຖິງວ່າ ການຫວງຫ້າມ ຍາມ....ເຜີ ເຂົາຫລົບຫລີກ
ລັກ ໄລ່....ໄວລື່ນລົ້ນ ຈົນຜີເຝົ້າປ່າຍອມ.....ວ່າເດ...
# ຕູ້ຍ່ານ້າ(ນ້ອງສາວຍ່າ) ມານັ່ງຖ້າ ປາກຮ່ອມທາງເມືອ
ທີ່ທ່າເຮືອດອນເມັນ ຄ້ອມຢາກເຫັນຫລານຫລ້າ
ເພິ່ນວ່າ ມາແຕ່ຕອນສວຍແລ້ວ ແນວໃຈມັນຄິດຮອດ ວ່າເດ
ຂ້ອຍແລ່ນກອດຍ່ານ້າ ເພາະເຫັນໜ້າຕັ້ງແຕ່ເຫິງ…
# ກ່ອນນີ້ ຍ່ານ້າຫວງຫ່ວງນຸ້ນ ເຄີຍທຽວທ່ອງມາຢາມ
ພັກຄ້າງແຮມເປັນເດືອນ ຢູ່ທີ່ວຽງຈັນພີ້
ຕອນນີ້ ສົມໃຈແລ້ວ ພຽງຫລຽວເຫັນກໍຊາວກອດ
ທາງປາກຖອດທອດເອີ້ນ ວ່າຫລານຫລ້າຢູ່ສະບາຍ ແມ່ນບໍ ?....
# ພໍແຕ່ຖາມຂ່າວຂໍ້ ກໍຫີ້ວຫອບສຳພາລະ
ຂຶ້ນລົດກັບເຮືອນເຮົາ ຄົນເຂົາລໍຢູ່ເຕັມບ້ານ
ຢາກເຫັນຫລານເຫັນນ້ອງ ເຫັນອີ່ປາ-ອີ່ແມ່ ວ່າເດ
ທຸກຄົນຢາກເຫັນເຮົາແທ້ໆ ຈຶ່ງໄວຟ້າວດ່ວນໄປ ທ່ານເອີຍ
# ພໍຂຶ້ນເຮືອນ ເພິ່ນກໍໄດ້ ເອີ້ນຮຽກເອົາຂວັນ
ວ່າມາເຍີຂວັນເອີຍ ມາຢູ່ເຮືອນກິນເຂົ້າ
ມານັ່ງເນົານອນຊົ້ນ ເຮືອນເຮົາກັບພໍ່ປູ່ ນີ້ເດີ້
ເວົ້າທັງບິແບ່ງໃຫ້ ໄກ່ຂວັນຕົ້ມເພິ່ນແຕ່ງມາ…
# ປູ່ວ່າ ໃຫ້ອີ່ຫລ້າ ມາຢູ່ມາຢາມ ບ້ານເຮົາເດີ້
ມາຍາມໝາກຂາມຫວານ ຫລືຊິມາຍາມຮ້ອນ
ມາຕອນກໍມາໄດ້ ຫລືມາຍາມຜັກຫວານປົ່ງ
ຫລືມາຍາມທົ່ງກ້ວາງໆ ຮວງເຂົ້າກ່ອງງາມ
# ທຸກຍາມ ມີໜາກພ້າວ ຫລາຍຫລາກແນວພັນ
ມັກຫວານໆຫອມໆ ໜ່ວຍໃຫຍ່ຍາວປູ່ມີໃຫ້
ຫລືມັກແນວຫວານຂຸ້ນ ກະທິຫອມໝາກພ້າວອ່ອນ
ມາຕອນໃດກໍຍ່ອມໄດ້ ສະບາຍແທ້ປູ່ຮັບຮອງ…..
# ມື້ນີ້ ຊິຂ່າວຂໍ້ ບັ້ນບ່ອນຕອນໄປນາ
ພໍ່ປູ່ພາໄປເລາະ ເບິ່ງໜອງປາແຫ້ງ
ນ້ຳຍັງ ມີພຽງຫນ້ອຍ ເຫັນປາເຕັ້ນໂດດ
ປູ່ວ່າ ເຮັດແນວໃດຈຶ່ງໄດ້ ປາປີ້ງອີ່ມສວຍ
# ພໍ່ປູ່ ແລະ ພີ່ນ້ອງ ຫລາຍສໍ່າຄົນລົງ
ຫວ່ານແຫກວມເອົາປາ ຈັ່ງແມ່ນມັນມືແທ້ ວ່າເດ້
ຜ່ອງຜູ້ດັງໄຟປີ້ງ ກິນປາກັບທີ່ ກໍມີຫລາຍ
ນຸ້ນ ແລະ ນ້ອງຊາຍພາດບໍ່ໄດ້ ກິນປີ້ງ....ຈັ່ງແມ່ນມັນ...ເຈົ້າເອີຍ
# ຄັນເມື່ອກິນອີ່ແລ້ວ ອາສາທ່ຽວແຄມນາ
ເລາະເບິ່ງ ກົກຂາມຫວານ ທີ່ປູ່ພຽນແພງໄວ້
ຕົ້ນບໍ່ໃຫຍ່ກໍດາຍແລ້ວ ແຕ່ທາງເທິງຍັງມີໝາກ
ວາກ ໆ...ນ້ອງຊາຍຮ້ອງບອກຂ້ອຍ ວ່າເອົາໃຫ້ແດ່ແມ.....
# ນ້ອງຊາຍຍ່າງອອກໜ້າ ພາຂ້ອຍຍ່າງເດີນເລາະ
ອີ່ແມ່ເດີນນຳຫລັງ ຈັ່ງແມ່ນມັນໄວແທ້
ແມ່ຮ້ອງບອກ....ລະວັງລົ້ມ ໂຄມຫີນໜາມໜໍ່ ລະວັງເດີ້
ມັນບໍ່ລໍ ແລ່ນທີ້ລີ້ ປານໜີຢ້ານຜ່າຍເສືອ ຊັ້ນລະ
# ມັນວ່າ ຟ້າວຮີບຟ້າວ ໝາກພ້າວອ່ອນໝາກໂມຫວານ ອີ່ປູ່ເອີ້ນວ່າເດ
ມັນຈຶ່ງຊວນເຊຊັດ ບໍ່ອາໄລໄຍຂ້ອຍ
ມັນວ່າ ອີ່ປູ່ຄອຍຢູ່ຖຽງນ້ອຍ ລົມວອຍໆພັດວ່ອນໆ
ມັນຊິນອນ ຫລັງຈາກກິນໝາກພ້າວ ໃຫ້ເຮົາເຝົ້າຢູ່ຄອຍ ວ່ານາ....
# ໄປບ້ານປູ່ຍັງບໍ່ໝົດທໍ່ນີ້ ສິ່ງທີ່ນຸ້ນໄດ້ພານພົບ
ຄົງບໍ່ພັນລະນາໝົດ ມື້ດຽວລົງໄດ້
ຂໍຝັງໃຈເອົາໄວ້ ເວລາມີຊິມາບອກ ຕາມຫລັງດອກ
ເລົ່າຄວາມຈິງທີ່ຂ້ອຍ ເມືອບ້ານອີ່ພໍ່ເຮົາ...ຫັ້ນນາ
# ເອົາລະ ພໍຊໍ່ານີ້ ຊິລາກ່ອນທາງກອນ
ໃຜຢາກຟັງຄວາມໃນ ໃຫ້ສົ່ງສານຫານຸ້ນ
ຖາມວ່າ: “..............” ຕາມໃຈເຈົ້າ ຫລືຕ້ອງການໃຫ້ມາເລົ່າ
ເລື່ອງບ້ານປູ່ ຫລາຍເທົ່າໃດກໍຍ່ອມໄດ້ ຊິຈັດໃຫ້ດັ່ງປະສົງ ເຈົ້າເອີຍ....%
ຂອບໃຈທຸກໆຄົນ ທີ່ເຂົ້າມາອ່ານ....
ຂຽນໂດຍ: ພອນນະພາ ໄຊອຸດົມ (ສະດຸດຕາ ສາຍຮຸ່ງ)
# ອີ່ປາ ພັດພາກບ້ານ ນານກ່ວາຊາວປີ ວ່າເດ…
ຈາກທົ່ງນາທີ່ເຄີຍໄຖ ຈາກໄຮ່ສວນທີ່ເຄີຍສ້າງ
ຈາກນ້ອງນາງລູກສາວຫລ້າ ຈາກພໍ່ຕາອີ່ລຸງໃຫຍ່
ຈາກພໍ່ປູ່ວາດບໍ່ໄດ້ ວ່າລາວເຖົ້າຊໍ່າໃດ ?
# ປີນີ້ ອີ່ພໍ່ພັກວຽກໄດ້ ເລີຍພານຸ່ນໄປຢາມ
ອີ່ແມ່ກັບນ້ອງຊາຍ ກໍ່ດີໃຈໄປນໍາພ້ອມ
ພັບເຄື່ອງຂອງຊົມໃຊ້ ທີ່ຈໍາເປັນຫລາຍຫລາກ
ທັງຂອງຝາກແລະເຄື່ອງຕ້ອນ ຫລາຍເປ້ສີ່ກະເປົາ ພຸ້ນນາ….
# ລົດບໍ່ໄປ ຕັ້ງໃຈແລ້ວ ຊິຂໍຂີ່ທາງເຮືອ ນີ້ກ່ອນ
ນັ່ງຊົມລົມຊົມທິວທັດ ຊ່າງງາມເຫລືອລົ້ນ
ເຫັນກ້ອນຫີນດິນຊາຍກ້ວາງ ແຄມຂອງທີ່ເຮືອຜ່ານ
ກ່ອນຊິໄປຮອດບ້ານ ກໍຈວນຈໍ້ຄໍ່າແລງ ທ່ານເອີຍ….
# ບໍ່ເຄີຍໄປ ແຕ່ໄດ້ພໍ້ ສັບພະສິ່ງບໍ່ເຄີຍເຫັນ
ຍ້ອນວ່າຢູ່ວຽງຈັນ ແນວງາມໆ...ກໍບໍ່ມີຄືນີ້
ອາກາດດີ ນ້ໍາໃສ ພົງໄພກ້ວາງ ກວາງຟານຊິເຫລືອຢູ່ ບໍ່ນໍ
ອີ່ພໍ່ວ່າ ບາງທີມີແຕ່ໄມ້ ກວາງຟານເຕັ້ນຕື່ນໜີ
# ເພາະວ່າດົງດ່ານນີ້ ພານຫລາກເຫລືອຫລາຍ
ລັກຄ່ວາຍິງຍັງສັດ ລ່າເປັນສິນຄ້າ
ເຖິງວ່າ ການຫວງຫ້າມ ຍາມ....ເຜີ ເຂົາຫລົບຫລີກ
ລັກ ໄລ່....ໄວລື່ນລົ້ນ ຈົນຜີເຝົ້າປ່າຍອມ.....ວ່າເດ...
# ຕູ້ຍ່ານ້າ(ນ້ອງສາວຍ່າ) ມານັ່ງຖ້າ ປາກຮ່ອມທາງເມືອ
ທີ່ທ່າເຮືອດອນເມັນ ຄ້ອມຢາກເຫັນຫລານຫລ້າ
ເພິ່ນວ່າ ມາແຕ່ຕອນສວຍແລ້ວ ແນວໃຈມັນຄິດຮອດ ວ່າເດ
ຂ້ອຍແລ່ນກອດຍ່ານ້າ ເພາະເຫັນໜ້າຕັ້ງແຕ່ເຫິງ…
# ກ່ອນນີ້ ຍ່ານ້າຫວງຫ່ວງນຸ້ນ ເຄີຍທຽວທ່ອງມາຢາມ
ພັກຄ້າງແຮມເປັນເດືອນ ຢູ່ທີ່ວຽງຈັນພີ້
ຕອນນີ້ ສົມໃຈແລ້ວ ພຽງຫລຽວເຫັນກໍຊາວກອດ
ທາງປາກຖອດທອດເອີ້ນ ວ່າຫລານຫລ້າຢູ່ສະບາຍ ແມ່ນບໍ ?....
# ພໍແຕ່ຖາມຂ່າວຂໍ້ ກໍຫີ້ວຫອບສຳພາລະ
ຂຶ້ນລົດກັບເຮືອນເຮົາ ຄົນເຂົາລໍຢູ່ເຕັມບ້ານ
ຢາກເຫັນຫລານເຫັນນ້ອງ ເຫັນອີ່ປາ-ອີ່ແມ່ ວ່າເດ
ທຸກຄົນຢາກເຫັນເຮົາແທ້ໆ ຈຶ່ງໄວຟ້າວດ່ວນໄປ ທ່ານເອີຍ
# ພໍຂຶ້ນເຮືອນ ເພິ່ນກໍໄດ້ ເອີ້ນຮຽກເອົາຂວັນ
ວ່າມາເຍີຂວັນເອີຍ ມາຢູ່ເຮືອນກິນເຂົ້າ
ມານັ່ງເນົານອນຊົ້ນ ເຮືອນເຮົາກັບພໍ່ປູ່ ນີ້ເດີ້
ເວົ້າທັງບິແບ່ງໃຫ້ ໄກ່ຂວັນຕົ້ມເພິ່ນແຕ່ງມາ…
# ປູ່ວ່າ ໃຫ້ອີ່ຫລ້າ ມາຢູ່ມາຢາມ ບ້ານເຮົາເດີ້
ມາຍາມໝາກຂາມຫວານ ຫລືຊິມາຍາມຮ້ອນ
ມາຕອນກໍມາໄດ້ ຫລືມາຍາມຜັກຫວານປົ່ງ
ຫລືມາຍາມທົ່ງກ້ວາງໆ ຮວງເຂົ້າກ່ອງງາມ
# ທຸກຍາມ ມີໜາກພ້າວ ຫລາຍຫລາກແນວພັນ
ມັກຫວານໆຫອມໆ ໜ່ວຍໃຫຍ່ຍາວປູ່ມີໃຫ້
ຫລືມັກແນວຫວານຂຸ້ນ ກະທິຫອມໝາກພ້າວອ່ອນ
ມາຕອນໃດກໍຍ່ອມໄດ້ ສະບາຍແທ້ປູ່ຮັບຮອງ…..
# ມື້ນີ້ ຊິຂ່າວຂໍ້ ບັ້ນບ່ອນຕອນໄປນາ
ພໍ່ປູ່ພາໄປເລາະ ເບິ່ງໜອງປາແຫ້ງ
ນ້ຳຍັງ ມີພຽງຫນ້ອຍ ເຫັນປາເຕັ້ນໂດດ
ປູ່ວ່າ ເຮັດແນວໃດຈຶ່ງໄດ້ ປາປີ້ງອີ່ມສວຍ
# ພໍ່ປູ່ ແລະ ພີ່ນ້ອງ ຫລາຍສໍ່າຄົນລົງ
ຫວ່ານແຫກວມເອົາປາ ຈັ່ງແມ່ນມັນມືແທ້ ວ່າເດ້
ຜ່ອງຜູ້ດັງໄຟປີ້ງ ກິນປາກັບທີ່ ກໍມີຫລາຍ
ນຸ້ນ ແລະ ນ້ອງຊາຍພາດບໍ່ໄດ້ ກິນປີ້ງ....ຈັ່ງແມ່ນມັນ...ເຈົ້າເອີຍ
# ຄັນເມື່ອກິນອີ່ແລ້ວ ອາສາທ່ຽວແຄມນາ
ເລາະເບິ່ງ ກົກຂາມຫວານ ທີ່ປູ່ພຽນແພງໄວ້
ຕົ້ນບໍ່ໃຫຍ່ກໍດາຍແລ້ວ ແຕ່ທາງເທິງຍັງມີໝາກ
ວາກ ໆ...ນ້ອງຊາຍຮ້ອງບອກຂ້ອຍ ວ່າເອົາໃຫ້ແດ່ແມ.....
# ນ້ອງຊາຍຍ່າງອອກໜ້າ ພາຂ້ອຍຍ່າງເດີນເລາະ
ອີ່ແມ່ເດີນນຳຫລັງ ຈັ່ງແມ່ນມັນໄວແທ້
ແມ່ຮ້ອງບອກ....ລະວັງລົ້ມ ໂຄມຫີນໜາມໜໍ່ ລະວັງເດີ້
ມັນບໍ່ລໍ ແລ່ນທີ້ລີ້ ປານໜີຢ້ານຜ່າຍເສືອ ຊັ້ນລະ
# ມັນວ່າ ຟ້າວຮີບຟ້າວ ໝາກພ້າວອ່ອນໝາກໂມຫວານ ອີ່ປູ່ເອີ້ນວ່າເດ
ມັນຈຶ່ງຊວນເຊຊັດ ບໍ່ອາໄລໄຍຂ້ອຍ
ມັນວ່າ ອີ່ປູ່ຄອຍຢູ່ຖຽງນ້ອຍ ລົມວອຍໆພັດວ່ອນໆ
ມັນຊິນອນ ຫລັງຈາກກິນໝາກພ້າວ ໃຫ້ເຮົາເຝົ້າຢູ່ຄອຍ ວ່ານາ....
# ໄປບ້ານປູ່ຍັງບໍ່ໝົດທໍ່ນີ້ ສິ່ງທີ່ນຸ້ນໄດ້ພານພົບ
ຄົງບໍ່ພັນລະນາໝົດ ມື້ດຽວລົງໄດ້
ຂໍຝັງໃຈເອົາໄວ້ ເວລາມີຊິມາບອກ ຕາມຫລັງດອກ
ເລົ່າຄວາມຈິງທີ່ຂ້ອຍ ເມືອບ້ານອີ່ພໍ່ເຮົາ...ຫັ້ນນາ
# ເອົາລະ ພໍຊໍ່ານີ້ ຊິລາກ່ອນທາງກອນ
ໃຜຢາກຟັງຄວາມໃນ ໃຫ້ສົ່ງສານຫານຸ້ນ
ຖາມວ່າ: “..............” ຕາມໃຈເຈົ້າ ຫລືຕ້ອງການໃຫ້ມາເລົ່າ
ເລື່ອງບ້ານປູ່ ຫລາຍເທົ່າໃດກໍຍ່ອມໄດ້ ຊິຈັດໃຫ້ດັ່ງປະສົງ ເຈົ້າເອີຍ....%
ຂອບໃຈທຸກໆຄົນ ທີ່ເຂົ້າມາອ່ານ....
ແດ່....ຜູ້ຢູ່ແດນໄກ
ແດ່....ຜູ້ຢູ່ແດນໄກ
(ສຳລັບຄົນທີ່ໄກບ້ານ ແລະ ສຳລັບຄົນທີ່ກຳລັງຮຽນ)
# ບອກວ່າຄິດຮອດບ້ານ ເຈົ້າຢູ່ດ່ານແດນດິນ ໃດນໍ
ຈຶ່ງບໍ່ມາຢາມຍາມ ເມື່ອໃຈປະສົງພໍ້
ພໍ່ແມ່ທັງລຸງປ້າ ອາອາວຕູ້ນ້າບ່າວ
ຢູ່ເມືອງລາວ ຫລືວ່າຢູ່ຖິ່ນແຄ້ວນ ແດນໃດນັ້ນຈຶ່ງບໍ່ເມືອ ຢາມນໍ
# ຫລືວ່າ ຍັງຄິດງໍ້ ວ່າບ້ານເກີດຍັງທຸກ
ບໍ່ສະໜຸກ ບໍ່ສວຍງາມ ດັ່ງທີ່ເນົາດຽວນີ້
ຈຶ່ງບໍ່ມີໃຈຕັ້ງ ປະສົງຄືນບ້ານເກີດ
ຈຶ່ງເພີດເພີນຄ່ວາຫລິ້ນ ສະແຫວງຊ້ອນຢູ່ຕ່າງແດນ....ແມ່ນບໍ່ນໍ...
# ເງິນບໍ່ພໍ ບໍ່ຕ້ອງງໍ້ ຂໍພຽງແຕ່ມີມານະ
ຈິດໃຈທົນທານອົດ ເພື່ອວັນເມືອໜ້າ
ຖ້າຈິງໃຈຈິງຈັງສູ້ ອຸປະສັກທີ່ຂວາງກີດ
ຊີວິດ...ຈຶ່ງຊິມີຄ່າລ້ຳ ຊໍ່າກັບບ້ານບໍ່ຕ້ອງງຳງຶດງໍ້ ຂໍພຽງສູ້ຕໍ່ໄປ
# ມື້ໃດຈົບ ໃຈຊິປື້ມ ໃບປະກາດມາມື
ວັນນັ້ນ ຄວາມສຳຄັນບໍ່ແມ່ນມີພຽງເງິນ ຄ່າຍົນກັບບ້ານ
ແຕ່ລ້ານເທົ່າຄວາມໝາຍຊຶ້ງ ຕຣຶງໃຈບັນຍາຍຍາກ
ຫາກແມ່ນຜົນ ຜູ້ຢູ່ໄກ ໃຈນັກສູ້ ຫວັງກູ້ກຽດຕະກູນ....ຊອບແລ້ວ....
ເປັນກຳລັງໃຈໃຫ້....ສູ້ໆໆໆໆໆ
ເພງທີ່ມັກຟັງ
ເພງ: “ລາວຮ່ວມສຳພັນ”
ເພັງນີ້ແຕ່ງຂື້ນປາງລາວກູ້ເອກຣາດ
ພາຍໃຕ້ການນຳພາຂອງ ເຈົ້າເພັຊຣາດ ຫົວຫນ້າກຸ່ມລາວອິສຣະ.
# ຖິ່ນຖານບ້ານເກີດຂອງເຮົາ ມີແຕ່ພູເຂົາເລົ່າຜາປ່າດົງ
ພົງໄພອັນໃຫຍ່ແລະກວ້າງ ເຫມຶອຍຫມີຫມູ່ກວງລ່ວງຕາມແຄມເຊ
ເຊົ້າເຢັນເຮົາແລເຫັນໄມ້...... ຫມອກມົວກົ້ວໄກແສງໄສສ່ອງມາ
ແຂກເຕົ້າກາເວົາຂັນຮ້ອງ...... ຟັງສຽງນ້ຳນອງໂຕນຕາດຕິນຜາ
ອາບເຫຼັ້ນເຢັນໃຈຫາຍຮ້ອນ...ຫາຍສ່ວງອຸທອນຜັກຜ່ອນກາຍາ.
# ບ້ານເຮົາບໍ່ເປັນເຊັ່ນນີ້.......ທົ່ງກວ້າງຂວງດີສຸດສີ້ນຊົ່ວຕາ
ມີ້ມ່ວງດວງດອກມາລີ........... ບານຈໍ່ຈູມຈີມີມາກຫນັກຫນາ
ພ້າວຕານຫວານພຸຜາງສົ້ມ...ເກິນແສນອຸດົມທັງເຂົ້າແລະປາ
ບານຫຼາຍຢາຍຕາມທົ່ງໃຫຍ່..ແຄມນ້ຳວັງໄສສ່ອງເຫັນຫມູ່ປາ
ບ່າວສາວທັງພວກຊາວບ້ານ....ຢູ່ຖ່າງທຳການຊື່ນບານອຸຣາ .
# ແດນລາວຍືດຍາວຄາວໄກ........ ມີຊື່ລືໄວ້ລ້ານຊ້າງເດີມມາ
ຢູ່ເໜືອຫຼືວ່າຢູ່ໃຕ້.......................ບໍ່ແມ່ນອື່ນໄກລ້ວນແຕ່ໄທລາວ
ພີ່ນ້ອງປົກປ້ອງກັນມາ................ຢ່າຕິຢ່າວ່າໄທເໜືອໄທໃຕ້
ຄົນໃດໄດ້ດີມີສຸກ......................ຊ່ວຍຊູຜູ່ທຸກກັງວົນສົນໃຈ
ເລືອດເນື້ອເຊື້ອແນວແຖວພັນ......ເຮົາຕ້ອງຮັກກັນຈົນສິ້ນຊີວາ
# ເພື່ອນເອີຍຮີບມາດ້ວຍກັນ....ມາຮ່ວມສຳພັນທັງແຮງທັງໃຈ
ໄວໆ ຮີບມາດ້ວຍກັນ..... .ມາຮ່ວມປ້ອງກັນເລຶອດເນື້ອເຊື້ອລາວ
ໄວໆຮີບຮູ້ສຶກໃຈ... .ຊ່ອຍຣະວັງໄພໃຫ້ລາວຍຶນຍົງ
ປົງຈິດຊີວີດແລະກາຍ.... ເປັນລູກຜູ້ຊາຍຍອມຕາຍເພື່ອຊາດ
ເລືອດຢາດແກ່ຊາດພຽງໃດ... ພະລະຢ່າງໃຫຍ່ຊັຍຊາດຈະຍາວ.
ຈົບ
ຂໍ້ມູນໄດ້ຈາກ ເທົາຄຳແສນ t.khamsene@vp.pl
9.3.11
ແດ່....ແມ່ທີ່ຮັກ
ແດ່…ແມ່ທີ່ຮັກ
ແມ່ພາກພຽນຕັ້ງຫນ້າ ລ້ຽງລູກບໍ່ເຄີຍຖອຍ
ແມ່ຮັກເຮົາເໜືອຊີວິດ ສົ່ງລູກຮຽນຂຽນໄດ້
ຈຸດມຸ້ງຫມາຍຫວັງຕັ້ງ ເປັນຄົນດີຂອງຊາດ
ຄວາມສະຫລາດຄ່ອງແຄ້ວ ແນວກ້າໜໍ່ລາວ ແມ່ວ່າ
ມື້ນີ້ ຮຽມຈຶ່ງຂໍປ່າວເອີ້ນ ເຊີນລູກໆຫລານ ລາວນາ
ມາຮ່ວມອວຍພອນໄຊ ໃຫ້ແມ່ຄຸນຄຳຍ້ອງ
ສະຫລອງໄຊວັນນີ້ 8 ມີນາຍິ່ງໃຫຍ່ ນັ້ນເນີ
ພ້ອມມາອວຍພອນໄຊໃຫ້ແມ່ເຮົາຈົ່ງໄດ້ ຫາຍຮ້ອນຢູ່ສະບາຍ ນັ້ນທ້ອນ
ສິ່ງເປັນເຂັນເຄາະຮ້າຍ ຈົ່ງປັດປ່າຍກາຍຫນີ ແມ່ເນີ
ສິ່ງໃດດີໄຫຼມາໂຮມ ຫອບໂຈມຈູນເຂົ້າ
ໃຫ້ແມ່ເຮົາພຽງພ້ອມ ກຳລັງໃຈແຂງແກ່ນ
ກາຍາກໍດັ່ງດ້າມ ສະເໝີແກ້ວໜ່ວຍມະນີ
ເລື່ອງບໍ່ດີທີ່ລູກໄດ້ ເຮັດໄປກ່ອນຫຼອນຄຳນຶງ
ຄວາມດື້ດຶງບາງເວລາ ຂໍຂະມາໃຫ້ສອນຊີ້
ຄຸນຄວາມດີຈະຈຳໄວ້ ເຈຍລະໄນບຸນຄຸນແມ່ ຮຽມເອີຍ
ສິ່ງໃດພາດພັ້ງຂໍ້ ບໍ່ຂໍຫຍຸ້ງກ່ຽວພັນ ອີກແລ້ວ…
(ຈົບ)
ແມ່ພາກພຽນຕັ້ງຫນ້າ ລ້ຽງລູກບໍ່ເຄີຍຖອຍ
ແມ່ຮັກເຮົາເໜືອຊີວິດ ສົ່ງລູກຮຽນຂຽນໄດ້
ຈຸດມຸ້ງຫມາຍຫວັງຕັ້ງ ເປັນຄົນດີຂອງຊາດ
ຄວາມສະຫລາດຄ່ອງແຄ້ວ ແນວກ້າໜໍ່ລາວ ແມ່ວ່າ
ມື້ນີ້ ຮຽມຈຶ່ງຂໍປ່າວເອີ້ນ ເຊີນລູກໆຫລານ ລາວນາ
ມາຮ່ວມອວຍພອນໄຊ ໃຫ້ແມ່ຄຸນຄຳຍ້ອງ
ສະຫລອງໄຊວັນນີ້ 8 ມີນາຍິ່ງໃຫຍ່ ນັ້ນເນີ
ພ້ອມມາອວຍພອນໄຊໃຫ້ແມ່ເຮົາຈົ່ງໄດ້ ຫາຍຮ້ອນຢູ່ສະບາຍ ນັ້ນທ້ອນ
ສິ່ງເປັນເຂັນເຄາະຮ້າຍ ຈົ່ງປັດປ່າຍກາຍຫນີ ແມ່ເນີ
ສິ່ງໃດດີໄຫຼມາໂຮມ ຫອບໂຈມຈູນເຂົ້າ
ໃຫ້ແມ່ເຮົາພຽງພ້ອມ ກຳລັງໃຈແຂງແກ່ນ
ກາຍາກໍດັ່ງດ້າມ ສະເໝີແກ້ວໜ່ວຍມະນີ
ເລື່ອງບໍ່ດີທີ່ລູກໄດ້ ເຮັດໄປກ່ອນຫຼອນຄຳນຶງ
ຄວາມດື້ດຶງບາງເວລາ ຂໍຂະມາໃຫ້ສອນຊີ້
ຄຸນຄວາມດີຈະຈຳໄວ້ ເຈຍລະໄນບຸນຄຸນແມ່ ຮຽມເອີຍ
ສິ່ງໃດພາດພັ້ງຂໍ້ ບໍ່ຂໍຫຍຸ້ງກ່ຽວພັນ ອີກແລ້ວ…
(ຈົບ)
7.3.11
ບໍ່ກ້າເຜີຍ
# ບໍ່ກ້າຂຽນກາບກ້ອມ ແຕ່ແສນຮັກແສນຫວງ ຮູ້ບໍ່ນໍ
ຂໍໄດ້ມອງດວງຕາ ປາກເອີ່ຍຈາບໍ່ມີກ້າ
ເຈົ້າໄລ່ ໑+໒ ເປັນ ໕ ຊ່າງພາໂລຂ້ອຍລຳບາກ ໃຈຫລາຍ
ຄັນບໍ່ອາຍ ຂ້ອຍຄົງຈົດກ່າຍໃຫ້ ບົດຮຽນຂໍ້ເຈົ້າບໍ່ຈຳ ນັ້ນນາ
# ແນມນຳ ກະນໍ່ານ້າວ ລ້າວປວດອຸລາຈິງ
ຍິງຍິ່ງອາຍບໍ່ຫານເຜີຍ ເອີ່ຍໄດ້ພຽງແຕ່ຮອຍຍິ້ມ
ແທນຫລິ້ມຈີມໃຈໄວ້ ຢ່າຄອນແຄນແໜ້ນແກ່ນ ໃຈເອີຍ
ບໍ່ສະເຫຼີຍ ຊາຍບໍ່ພ້ອມ ຈຶ່ງຍອມຄ້ອຍຂະມ່ອຍໃຈ ອ້າຍເອີຍ..
ຂໍໄດ້ມອງດວງຕາ ປາກເອີ່ຍຈາບໍ່ມີກ້າ
ເຈົ້າໄລ່ ໑+໒ ເປັນ ໕ ຊ່າງພາໂລຂ້ອຍລຳບາກ ໃຈຫລາຍ
ຄັນບໍ່ອາຍ ຂ້ອຍຄົງຈົດກ່າຍໃຫ້ ບົດຮຽນຂໍ້ເຈົ້າບໍ່ຈຳ ນັ້ນນາ
# ແນມນຳ ກະນໍ່ານ້າວ ລ້າວປວດອຸລາຈິງ
ຍິງຍິ່ງອາຍບໍ່ຫານເຜີຍ ເອີ່ຍໄດ້ພຽງແຕ່ຮອຍຍິ້ມ
ແທນຫລິ້ມຈີມໃຈໄວ້ ຢ່າຄອນແຄນແໜ້ນແກ່ນ ໃຈເອີຍ
ບໍ່ສະເຫຼີຍ ຊາຍບໍ່ພ້ອມ ຈຶ່ງຍອມຄ້ອຍຂະມ່ອຍໃຈ ອ້າຍເອີຍ..
Subscribe to:
Posts (Atom)
ຮູບແບບຂອງໄຟລ໌ສຽງ waveform ໄຟລ໌ສຽງທີ່ໃຊ້ຢູ່ປັດຈຸບັນມີຫຼາຍປະເພດ ຊຶ່ງແຕ່ລະປະເພດເໝາະກັບງານທີ່ຕ່າງກັນ. ໄຟລ໌ສຽງຮູບແບບຫຼັກ...
-
ເດືອນນີ້(ເມສາ)ເປັນເດືອນທີ່ຊາວລາວທັງຫລາຍ ໄດ້ຮ່ວມກັນສະເຫລີມສະຫລອງບຸນກຸດສົງການ ຫຼື ບຸນປີໃໝ່ລາວ ຢ່າງຄຶກ ຄື້ນມ່ວນຊື່ນ, ຜູ້ເຖົ້າຜູ້ແກ່ເພິ່ນເຄີຍ ເ...
-
ມັນເປັນພຽງຄວາມເຂົ້າໃຈສະເພາະບຸກຄົນ ທີ່ຢາກບັນທຶກໄວ້ ເພື່ອຄວາມຊົງຈຳ.... ຂ້ອຍບໍ່ໄດ້ເປັນຄົນຊຽງຂວາງ-ເມືອງຄູນ ໂດຍກຳເນີດ ແຕ່ຂ້ອຍກໍເປັນຄົນລາວຜູ້ໜຶ່...
-
ວັດໂພແທ່ນໂບຣານາຣາມ ....ຂ້ອຍເລົ່າເລື່ອງຂອງຂ້ອຍທີ່ຕິດພັນ....ແລະ.... ອັດສະຈັນແບບຊາວບ້ານເລົ່າ ເຮົາຈະກ່າວສູ່ຟັງ(ເລົ່າຕາມພາບ-ຖ້າເພິ່ນຕົວະເຮົາ-...