ຄະຕິຄຳຄົມ
ຄຳຜ່ອນ ໄຊອຸດົມ ຮີບໂຮມ.
_________________________
ທຸກສິ່ງທຸກຢ່າງ ເລ່ີມຕົ້ນດ້ວຍຄວາມຄິດ.
ນັບແຕ່ນີ້ໄປ...ຈົ່ງຄິດຫາແຕ່ສິ່ງທ່ີຄວນຈະກະທຳ ແຕ່ຢ່າຄິດຫາຂໍ້ອ້າງໂຕວ່າ ເຮັດບໍ່ໄດ້.
ເມ່ືອຈິດໃຈເປັນກາງ ບໍ່ຄິດວ່າເຮົາເຫມືອນເຂົາ ຫລື ດີກວ່າເຂົາ ຫລື ຕໍ່າຕ້ອຍດ້ອຍສັກສີກ່ວາເຂົາ...ໃຂອງເຮົາຈະສະຫງົບ ສະບາຍເອງ.
ຈົ່ງລະວັງຄວາມຄິດ ເພາະມັນຈະກາຍເປັນຄວາມເວົ້າ
ຈົ່ງລະວັງຄວາມເວົ້າ ເພາະມັນຈະກາຍເປັນກາກະທຳ
ຈົ່ງລະວັງການກະທຳ ເພາະມັນຈະກາຍເປັນຄວາມຊິນເຄີຍ
ຈົ່ງລະວັງຄວາມຊິນເຄີຍ ເພາະມັນຈະກາຍເປັນນິດໄສ
ຈົ່ງລະວັງນິດໄສ ເພາະມັນຈະກາຍເປັນສັນດານ !
ເປັນການດີທ່ີເຮົາຈະມີຄວາມຄິດ
ແຕ່ຄວນລະວັງຢ່າໃຫ້ຄວາມຄິດເປັນໄດ້ພຽງຄວາມຄິດເທົ່ານັ້ນ
ຕ້ອງພະຍາມຍາມໃຫ້ມັນກາຍເປັນຄວາມຈິງແຫ່ງການກະທຳ.
ເຮົາມີຄວາມຄິດທ່ີດີໄດ້ສະເຫມີ ແຕ່ຕ້ອງໃຫ້ມັນເປັນຄວາມຄິດທ່ີດີ
ເຮົາມີຄວາມຄິດທ່ີດີ,ຄົນອ່ືນມີຄວາມຄິດທ່ີດີ ຕ່າງຝ່າຍຕ່າງຍອມຮັບຄວາມຄິດຂອງກັນແລະກັນ ເຮົາຍິ່ງຈະມີຄວາມຄິດທ່ີດີຫລາຍຂຶ້ນ...
ຄວາມຄິດ ຖ້າປຽບເປັນເຫມືອນກ້າມເນື້ອ
ຍິ່ງອອກກຳລັງຫລາຍເທົ່າໃດ ກໍຍິ່ງແຂງແຮງເທົ່ານັ້ນ !
ຄົນທ່ີຄິດຂ້າໂຕຕາຍ ຍັງມີຫົນທາງແກ້ໄຂ
ແຕ່ວາຈາຂ້າຄົນາຍ ແກ້ໄຂບໍ່ໄດ້.
ຖ້າເຮົາຟັງ ເຮົາກໍຈະໄດ້ຍິນ
ຖ້າເຮົາເບິ່ງ ເຮົາກໍຈະເຫັນ
ຖ້າເຮົາຄິດ ເຮົ້າກໍຈະເຂົ້າໃຈ.
ຈົ່ງເຊົາຄິດທ່ີຈະປ່ຽນທຸກສິ່ງທຸກຢ່າງທ່ີຢູ່ອ້ອມຕົວເຮົານັ້ນໃຫ້ໄດ້ຕາມທ່ີເຮົາມັກ ແຕ່ຈົ່ງປ່ຽນແປງໃຈຕົນເອງໃຫ້ເຂົາກັບສິ່ງແວດລ້ອມນັ້ນຈະດີກ່ວາ...
ເຮົາຈະບັງຄັບຄົນທັງໂລກໃຫ້ມາຮັບໃຊ້ເຮົານັ້ນ ເປັນໄປບໍ່ໄດ້ ເຮົາຕ້ອງແກ້ໄຂທ່ີຕົວຂອງເຮົາເອງ.
ຄົນເຮົາສ່ວນໃຫຍ່ບໍ່ມັກຄິດຫາສິ່ງທ່ີເຮົາມີ
ກົງກັນຂ້າມພັດຄິດຫາແຕ່ສິ່ງທ່ີຍັງບໍ່ທັນມີ...ໃນທ່ີສຸດກໍການເປັນທຸກ.
ຄົນທ່ີມີປັນຍາ ເຖິງຈະຕົກທຸກກໍຊອກຫາຄວາມສຸກພົບ.
(ຕິດຕາມໄດ້ໃນມື້ຕໍ່ໄປ)
No comments:
Post a Comment